Interi u përkufizua sërish si "mjeshtër" i përmbysjeve në San Siro, duke mposhtur Udinesen me rezultatin 5-3 pas një ndeshjeje spektakolare.

Udinese e nisi në mënyrën më të mirë të mundshme, duke kaluar në avantazh me Abankwah në minutën e 9-të dhe duke e dyfishuar atë vetëm 7 minuta më vonë me Ekkelenkamp, në 2-0. Interi reagoi shpejt: Carlos Augusto shkurtoi diferencën në minutën e 26-të, ndërsa Nicolo Barella barazoi shifrat në 2-2 në minutën e 35-të, me të cilat u mbyll pjesa e parë.

Në pjesën e dytë, zikaltrit dominuan plotësisht. Marcus Thuram e ktheu rezultatin në favor të Interit në minutën e 57-të (3-2), Pio Esposito shënoi golin e katërt në minutën e 66-të, ndërsa Bony vulosi përmbysjen me golin e pestë në minutën e 79-të. Në shtesë, Gueye shënoi golin e ngushëllimit për Udinesen, duke përcaktuar rezultatin final 5-3.

Me këtë fitore, Interi arrin kuotën e 12 pikëve dhe i bashkohet Romës në krye të renditjes, ndërsa Udinese mbetet me 4 pikë të grumbulluara pas 4 ndeshjeve.