BEOGRAD — Presidenti i Serbisë, Aleksandar Vuçiç, ka bërë me dije se do të japë dorëheqjen nga posti i kreut të shtetit më 27 shtator, për t’u përfshirë drejtpërdrejt në fushatën për zgjedhjet e jashtëzakonshme parlamentare të caktuara për më 25 tetor.

Gjatë një interviste televizive për TV Pink, Vuçiç deklaroi se mbrëmjen e 27 shtatorit do t’i drejtohet popullit serb për t’i falënderuar për mbështetjen përgjatë mandatit të tij, duke nëvizuar se pas dorëheqjes do të zbresë në terren si qytetar i zakonshëm për të zhvilluar fushatën zgjedhore nëpër qytete e fshatra.

Vendimi vjen pasi më 9 shtator Vuçiç shpërndau zyrtarisht Kuvendin e Serbisë, si rezultat i presioneve politike dhe protestave të vazhdueshme kundër korrupsionit të nxitura pas tragjedisë në stacionin hekurudhor të Novi Sadit. Vuçiç, mandati i të cilit përfundonte në vitin 2027, do të udhëheqë listën e Partisë Përparimtare Serbe (SNS) si kandidat zyrtar i saj për postin e Kryeministrit.