Të dhënat po ngarkohen...
Transmetuar më 14-09-2026, 13:25
FIER – Një aksident rrugor me pasojë plagosjen e tre personave është regjistruar pak minuta më parë në aksin rrugor Fier-Ballsh, konkretisht në vendin e njohur si “Kthesa e Krapsit”.
Në ngjarje janë përfshirë dy automjete, një tip “Benz” dhe një tip “Volkswagen”, të cilat janë përplasur fort me njëra-tjetrën për shkaqe ende të paqarta.
Si pasojë e goditjes së fortë, tre persona kanë pësuar dëmtime trupore dhe janë transportuar me urgjencë drejt Spitalit Rajonal të Fierit, ku po marrin ndihmën e nevojshme mjekësore.
Në vendngjarje kanë mbërritur menjëherë shërbimet e Policisë rrugore, të cilat po punojnë për normalizimin e qarkullimit dhe zbardhjen e plotë të dinamikës e shkaqeve të këtij aksidenti.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd