TIRANË – Dita e parë e vitit të ri shkollor në kryeqytet është shoqëruar me tensione dhe bllokim të qarkullimit. Një grup qytetarësh ka zhvilluar një protestë mëngjesin e sotëm në nyjën kryesore të qarkullimit te “Zogu i Zi”, duke u tentuar të bllokojnë një ndër akset më të ngarkuara të Tiranës.

Protesta ka përkuar me fluksin e lartë të automjeteve për shkak të nisjes së shkollave, duke sjellë vështirësi të mëdha në lëvizjen e qytetarëve dhe krijuar radhë të gjata trafiku.

Ndërhyrja e Policisë dhe shoqërimet

Reagimi i forcave të rendit ka qenë i menjëhershëm. Për të shmangur paralizimin e plotë të trafikut dhe bllokimin e nyjës së rëndësishme rrugore, policia ka ndërhyrë duke shpërndarë protestuesit.

Gjatë operacionit për zhbllokimin e rrugës, efektivët e policisë kanë shoqëruar disa prej protestuesve në komisariat, ndërsa situata është vënë nën kontroll dhe qarkullimi ka nisur gradualisht të rikthehet në normalitet.