STAMBOLL — Një aksident i rëndë ka ndodhur në autostradën Veriore Marmara në Turqi, ku një autobus pasagjerësh i linjës Diyarbakir–Stamboll është përplasur me barrierat e një pike pagese dhe më pas është përfshirë nga flakët, duke shkaktuar dy viktima dhe tetë të plagosur.

Ngjarja ka ndodhur në pikën e pagesës në kryqëzimin Işıklar, në rajonin Eyüpsultan të Stambollit. Sipas të dhënave të para nga mediat turke, drejtuesi i mjetit dyshohet se ka humbur kontrollin e autobusit, çka ka çuar në përplasjen me barrierat mbrojtëse dhe shpërthimin e menjëhershëm të zjarrit.

Në vendngjarje kanë ndërhyrë me shpejtësi forcat e xhandarmërisë dhe ekipet e emergjencës, të cilat kanë bërë të mundur evakuimin e pasagjerëve nga mjeti i përfshirë nga flakët.

Nga bilanci i konfirmuar zyrtarisht, dy persona kanë humbur jetën, ndërsa tetë të tjerë janë transportuar në spital për ndihmë mjekësore, ku njëri prej tyre ndodhet në gjendje të rëndë shëndetësore. Autoritetet vendase kanë nisur hetimet e plota për të zbardhur shkaqet teknike dhe njerëzore të këtij aksidenti.

İstanbul Kuzey Marmara Otoyolu'nda gişelerdeki bariyerlere çarptığı belirtilen yolcu otobüsünde yangın çıktı. pic.twitter.com/swLGBAkjBv

— Popüler Gazete (@populergazete) September 13, 2026

DİYARBAKIR–İSTANBUL OTOBÜSÜ ALEVLER İÇİNDE KALDI: 2 ÖLÜ, 8 YARALI

Kuzey Marmara Otoyolu’nda Diyarbakır’dan İstanbul’a giden yolcu otobüsü, sürücüsünün direksiyon hâkimiyetini kaybetmesi sonucu bariyerlere ç*rptı.

Kzanın ardından al*v alan otobüste 2 kişi h*yatını k*ybetti, 8… pic.twitter.com/CX1lefYh6E

— Güneydoğu Ajans (@guneydoguajans) September 13, 2026