Qytetarë dhe aktivistë janë mblatur sërish mbrëmjen e së dielës në kryeqytet, duke shënuar ditën e 106-të të protestës së vazhdueshme kundër ekzekutivit.

Grumbullimi i protestuesve nisi rreth orës 19:00 në sheshin “Skënderbej”, ku u lëshuan thirrje kundër klasës politike dhe udhëheqësve kryesorë të saj. Më pas, pjesëmarrësit marshuan përgjatë bulevardit “Dëshmorët e Kombit” për t’u ndalur përpara godinës së Kryeministrisë, ku vijuan fjalimet dhe reagimet e qytetarëve.

Kërkesa kryesore e manifestuesve mbetet dorëheqja e kryeministrit Edi Rama dhe e kabinetit të tij qeveritar. Pas përfundimit të fjalimeve përpara selisë së qeverisë, protestuesit do të vijojnë marshimin e tyre në akset kryesore të rrugëve të Tiranës.