Ekipi i Laçit ka marrë një fitore të rëndësishme në shtëpi me shifrat 2-0 kundër Vllaznisë, në përballjen e vlefshme për javën e katërt të kategorisë “Abissnet Superiore”. Ndeshja u karakterizua nga tensioni i lartë, ndërprerjet e gjata dhe vendimet disiplinore në pjesën e dytë.

Pas një fraksioni të parë të mbyllur pa gola, Laçi kaloi në avantazh në minutën e 50-të me anë të Cenës. Situata për Vllazninë u vështirësua më tej në minutën e 71-të, kur futbollisti Mehmeti u ndëshkua me karton të kuq të drejtpërdrejtë nga gjyqtari Kreshnik Cjapi, duke i lënë shkodranët me 10 lojtarë në fushë.

Ndeshja u ndërpre përkohësisht në minutën e 82-të për shkak të hedhjes së sendeve në fushë nga tifozët, çka detyroi zyrtarët e takimit të kërkonin zbrazjen e një pjese të tribunës.

Pas rifillimit të lojës, Laçi realizoi golin e dytë me anë të Traore në minutën e 88-të. Pavarësisht se gjyqtari akordoi një shtesë rekord prej 19 minutash lojë, rezultat përfundimtar mbeti i paprekur deri në vërshëllimën përfundimtare.