Kuvendi i Republikës së Kosovës ka përmbyllur zyrtarisht procesin e konstituimit pas përfundimit të procedurës së votimit për nënkryetarët e institucionit legjislativ.

Nga radhët e komuniteteve joserbe, nënkryetare e Kuvendit u zgjodh Emilia Rexhepi. Ndërkohë, nga komuniteti serb, postin e nënkryetares e mori Tanja Vujoviç, e cila mori 62 vota për, 6 kundër dhe 3 abstenime, ndërsa kandidatët e tjerë nga ky komunitet nuk arritën të siguronin votat e nevojshme.

Procesi u përmbyll pa u zgjedhur kandidati i propozuar nga Partia Demokratike e Kosovës, duke bërë që kjo forcë politike të mbetet pa përfaqësues në përbërjen e kryesisë.

Në përfundim të votimit, Kryetarja e Kuvendit, Albulena Haxhiu, deklaroi zyrtarisht se Kuvendi i Republikës së Kosovës konsiderohet i konstituuar plotësisht.