Një operacion i gjerë kërkim-shpëtimi është aktivizuar në Indonezi pas ndërprerjes së komunikimit me anijen e pasagjerëve “Virgo Transport 8”, e cila udhëtonte me më shumë se 240 persona në bord.

Anija ishte nisur nga Surabaya në Java Lindore dhe u përball me kushte të rënduara atmosferike gjatë lundrimit. Komunikimi me mjetin u ndërpre në orët e para të së dielës, ndërsa pozicioni i saj i fundit i njohur është lokalizuar në Detin Java, rreth 80 milje detare larg skelës së kërkim-shpëtimit Basirih në Banjarmasin.

Ekipet e urgjencës janë mobilizuar në terren, ku në operacion po merr pjesë anija e shpëtimit “KN SAR Laksmana 241” së bashku me mjete të tjera detare. Ndërkohë që autoritetet vazhdojnë monitorimin e kushteve të motit, deri tani nuk ka të dhëna zyrtare për fatin e pasagjerëve apo gjendjen e anijes.

BREAKING: At least 125 people are missing after the passenger ship Virgo Transport 8 lost contact in the Java Sea near South Kalimantan, Indonesia.

Authorities have rescued 115 people, while 1 person has been confirmed dead. Search and rescue operations are ongoing. pic.twitter.com/urIUSJQ0e7

— Weather Monitor (@WeatherMonitors) September 13, 2026