Talenti 19-vjeçar Franco Mastantuono ka dhënë një paraqitje mbresëlënëse në Serie A duke realizuar tregolëshin e tij të parë në futbollin evropian gjatë fitores 4-2 të Fiorentinës kundër Venezias.

Sulmuesi argjentinas e nisi takimin në mënyrë të rrufeshme duke shënuar dy gola brenda 98 sekondave të para për të përmbysur rezultatin, ndërsa golin e tretë e realizoi në minutën e 84-t të ndeshjes.

Përmes këtij tregolëshi të realizuar në moshën 19 vjeç e 28 ditë, Mastantuono u bë argjentinasi më i ri që shënon tre gola në një ndeshje brenda pesë ligave kryesore të Evropës, duke thyer rekordin e Lionel Messit me 231 ditë më pak.

Lojtari i kaluar te Fiorentina në formë huazimi nga Real Madridi i dha skuadrës pikët e para të sezonit në Serie A, në ndeshjen e debutimit të trajnerit Paolo Vanoli në stol.