Detaje të reja kanë dalë në dritë nga shpërthimi me lëndë plasëse i regjistruar mbrëmjen e së shtunës në lagjen “Qemal Stafa” në Shkodër, ku objektiv i sulmit ishte banesa e 60-vjeçarit Metin Bushati.

Nga verifikimet e kryera rezulton se 60-vjeçari Bushati ushtron profesionin e mësuesit, ndërsa nga hedhja e sasisë së vogël të tritolit në oborr u shkaktuan vetëm dëme të lehta materiale.

Policia e Shkodrës ka ngritur disa pista hetimore për zbardhjen e ngjarjes, ku një nga kryesoret lidhet me një paralajmërim të mundshëm ndaj vëllait të mësuesit, Gëzim Bushati, dhe veprimtarisë së tij në Gjermani.

Grupi hetimor po vijon punën për këqyrjen e kamerave të sigurisë në zonë për të bërë të mundur identifikimin dhe kapjen e autorëve të lëvizjes.