Vdekja e papritur e këngëtarit të njohur grek Giorgos Mazonakis ka nxitur reagime të forta në komunitetin mjekësor mbi përdorimin e terapive të ashtuquajtura “rigjeneruese” pa prova të mjaftueshme shkencore. Shoqata Helenike e Hematologjisë dhe hematologu Dr. Elias Pessach kanë kërkuar rritjen e kontrolleve shtetërore dhe kanë paralajmëruar publikun për rreziqet e procedurave që reklamohen pa bazë mjekësore.

Emri i këngëtarit është lidhur me një klinikë private ku raportohet se ai kishte kryer plazmaferezë, mirëpo mjekët theksojnë se shkaqet e sakta të vdekjes mbeten për t’u përcaktuar nga hetimet zyrtare.

Sipas mjekëve, procedurat si plazmafereza apo përdorimi i qelizave staminale janë trajtime të specializuara spitalore për sëmundje të caktuara hematologjike e autoimune. Ato nuk mund të përdoren si terma marketingut ose të reklamohen si "eliksir rinie", detoksifikim apo metoda për rritjen e jetëgjatësisë, pasi mund të shoqërohen me komplikacione të rënda si aritmi, reaksione alergjike dhe ulje të tensionit.

Shoqata Helenike e Hematologjisë rikujton se ka paralajmëruar institucionet që prej vitit 2019 për rreziqet e terapive qelizore të paautorizuara. Dr. Pessach nërmarrë mesazhin se çdo procedurë duhet të kryhet vetëm me indikacion të qartë mjekësor dhe në struktura të licencuara, duke përmbledhur qëndrimin e tij me thirrjen: “Mjekësia nuk është mirëqenie. Shkenca nuk është marketing”.