Ambasadori i Shqipërisë në Mbretërinë e Bashkuar, Uran Ferizi, ka depozituar një ankesë zyrtare pranë autoritetit rregullator të medias britanike (Ofcom) lidhur me një reportazh të transmetuar nga rrjeti televiziv "Sky News".

Nismës diplomatike i parapriu një komunikim i drejtpërdrejtë me drejtuesit e kanalit televiziv, pas transmetimit të materialit me titull “Nuk është asgjë, vëlla: Kontrabandistët shqiptarë tallen me kufijtë e Mbretërisë së Bashkuar për të nxitur tregtinë e drogës”, të botuar rreth datave 6-7 gusht 2026.

Ambasada shqiptare thekson se ankesa ngre shqetësime serioze për pasaktësi, mungesë konteksti dhe përgjithësime të pajustifikuara që lidhin kombësinë shqiptare me krimin e organizuar, kontrabandën e njerëzve dhe tregtinë e drogës.

Përmes reagimit zyrtar nëvojetet se raportimi i përgjegjshëm duhet të bëjë dallim të qartë mes individëve që kryejnë vepra penale dhe shumicës dërrmuese të komunitetit shqiptar në Britani, i cili jeton duke respektuar ligjin dhe kontribuon pozitivisht në shoqërinë britanike.