Lulzim Caka, një nga emrat më të njohur të ngjarjeve të vitit 1997 në Shqipëri, është arrestuar nga policia greke si drejtuesi i grupit kriminal përgjegjës për trafikimin e 84 kilogramëve kokainë nga Kolumbia, të fshehur në kërcejtë plastikë të trëndafilave.

Caka është prandaluar brenda një vile luksoze së bashku me të birin. Gjatë kontrollit të banesës, autoritetet helene sekuestruan 2 kilogramë kokainë, lëndë kimike, pajisje për paketimin e drogës, një armë zjarri pistoletë dhe një automjet luksoz.

I njohur në Greqi edhe me emrin John Franco, Lulzim Caka rezulton person i shpallur në kërkim ndërkombëtar nga Shqipëria pasi u lirua në mënyrë të paligjshme nga burgu në vitin 2019, ku vuante një dënim prej 25 vitesh për disa vrasje.

Ndonëse autoritetet shqiptare kishin kërkuar zyrtarisht ekstradimin e tij, pala greke e kishte refuzuar këtë kërkesë në vitin 2022, çka i mundësoi atij të qëndronte në shtetin fqinj deri në momentin e goditjes së grupit të trafikimit të drogës.