Teksa përgatitjet për edicionin e gjashtë të "Big Brother VIP Albania" po hyjnë në fazën e tyre intensive, emra të rinj nga bota e showbiz-it dhe rrjeteve sociale vazhdojnë të përfliten për t’u bërë pjesë e shtëpisë më të famshme në Shqipëri.

Së fundmi, burime pranë produksionit sugjerojnë se çifti i njohur i TikTok-ut, Albi Buzali dhe Xhesiana Zahoaliaj, mund të jenë midis konkurruesve të këtij edicioni. Të dy kanë krijuar një ndjekshmëri të lartë në platformat digjitale, ndërsa përfshirja e tyre në formatin televiziv do t’i përballte për herë të parë me një audiencë shumë më të gjerë.

Aktualisht mbetet e paqartë nëse formula e produksionit parashikon hyrjen e tyre si garues të pavarur apo si një çift i vetëm brenda lojës.

Megjithatë, lajmi mbetet në kuadrin e aludimeve, pasi deri më tani nuk ka ndonjë konfirmim zyrtar nga ana e drejtuesve të Top Channel apo nga vetë protagonistët. Lista e emrave të përfolur pritet të pasurohet edhe më tej gjatë ditëve në vijim, deri në nisjen zyrtare të spektaklit.