Dëshmi të reja nga stafi i një klinike private në zonën e Kolonakit në Athinë kanë nxjerrë në dritë detaje mbi gjendjen shëndetësore dhe orët e fundit të këngëtarit të njohur grek George Mazonakis, i cili ndërroi jetë pas një ataku kardiak fatal.

Sipas dëshmisë së sekretares dhe infermiereve të klinikës, këngëtari ishte paraqitur për t’iu nënshtruar një procedure të quajtur "INUS PHERESIS" — një lloj trajtimi që synon "pastrimin e gjakut". Pjesëtarët e stafit përshkruan një gjendje të rënduar psikofizike të artistit përpara se të hynte në dhomën e trajtimit.

"Vështrimi i tij nuk ishte i përqendruar. Duhej i çorientuar, kishte një fashë të madhe në ballë, kollë të pazakontë dhe mezi qëndronte në këmbë," dëshmoi një nga infermieret e pranishme.

Ndërkohë, Ioanna Gaka, pjesë e drejtimit të klinikës, sqaroi se Mazonakis i kishte kërkuar ndihmë një ditë më parë pasi ndiente dobi të madhe trupore, mbajtje lëngjesh dhe përdorte barëra diuretike për të përballuar ngarkesën profesionale.

Gjatë kryerjes së procedurës mjekësore, gjendja e këngëtarit u përkeqësua me shpejtësi, duke detyruar personelin të njoftonte shërbimet e urgjencës, por pa mundur t’i shpëtonin jetën.

Autoritetet helene kanë nisur hetimet për të përcaktuar nëse trajtimi eksperimental i kryer në klinikë ka pasur lidhje të drejtpërdrejtë me arrestin kardiak. Ndërkohë, ndaj drejtuesve të klinikës kanë nisur procedurat penale për zbardhjen e plotë të përgjegjësive mjekësore dhe ligjore.