Rrotullimi i dorës drejt telefonit sapo hapim sytë është kthyer tashmë në një refleks automatik për pjesën më të madhe të njerëzve. Ajo që nis si një kontroll disa-sekondësh i orës apo mesazheve, shpesh shndërrohet në dhjetëra minuta navigimi në rrjetet sociale, duke ndikuar drejtpërdrejt në disponimin dhe ritmin e ditës.

Psikologët dhe ekspertët e sjelljes nëvizojnë disa faktorë kryesorë se pse kjo zakonshmëri po përhapet me shpejtësi:

Epanjohura e njoftimeve dhe kërkimi i trurit për informacion: Pas orëve të gjumit, truri përballet me dëshirën natyrale për të mësuar se çfarë ka ndodhur gjatë natës. Pasiguria nëse në ekran na pret një mesazh i rëndësishëm, një e-mail apo një përmbajtje e re, e bën reagimin edhe më nxitës.

Mbingarkesa me kërkesat e të tjerëve: Ekspozimi i menjëhershëm ndaj e-mail-eve të punës apo mesazheve e zhvendos mendjen nga gjendja e qetë e zgjimit drejt marrjes së vendimeve. Në vend që dita të nisë me prioritete personale, ajo fillon duke i dhënë përgjigje kërkesave të të tjerëve.

Mungesa e kufijve në rrjetet sociale: Për dallim nga mediat tradicionale me përmbajtje të kufizuar, platformat digjitale ofrojnë burime të pafundme informacioni. Kjo bën që përdoruesit të humbasin lehtësisht ndjesinë e kohës ndërsa janë ende në shtrat.

Krahasimi social i parakohshëm: Konsumi i pamjeve të zgjedhura të jetës së të tjerëve — sukseset, pushimet apo fitnesi — brenda minutave të para të mëngjesit mund të nxisë krahasimin dhe të ndikojë negativisht në perceptimin për ditën që sapo ka nisur.

Ekspertët sugjerojnë se zgjidhja nuk qëndron ne izolimin e plotë digjital, por te krijimi i një distance të vogël kohore. Zëvendësimi i këtij refleksi me hapa të thjeshtë — si ngritja nga shtrati, hapja e perdeve apo pirja e ujit përpara kontrollit të ekranit — ndihmon në ruajtjen e qetësisë mendore dhe në marrjen e kontrollit mbi ditën.