Arabia Saudite ka vendosur të pezullojë përkohësisht punën në tubacionin e saj kryesor të naftës Lindje-Perëndim, i njohur si ‘Petroline’, për shkak të përshkallëzimit të tensioneve dhe shqetësimeve për sigurinë në rajon.

Kjo infrastrukturë konsiderohet jetike për Rijadin, pasi lidh fushat kryesore të prodhimit në lindje të vendit me portin e Yanbu në Detin e Kuq, duke mundësuar eksportin e naftës pa pasur nevojë të kalojë përmes Ngushticës së Hormuzit.

Vendimi vjen mes raporteve për zjarr të diktuar nga pamjet satelitore në jug të Medinës, pranë rrugëkalimit të tubacionit. Megjithatë, pretendimet e pakonfirmuara për një goditje të mundshme nga kryengritësit Huti të Jemenit nuk janë konfirmuar zyrtarisht as nga autoritetet saudite, kompani "Saudi Aramco" apo vetë grupi rebel.

Pezullimi i këtij aksi strategjik tokësor vjen në një moment mjaft delikat për tregjet ndërkombëtare të energjisë, ku çdo ndërprerje e furnizimit rrezikon të rrisë më tej çmimet globale të naftës brut.