Java e katërt e kampionatit “Abissnet Superiore” do të zhvillohet përgjatë tri ditëve, duke nisur nga e premtja deri të diela, me ndeshje të rëndësishme për renditjen dhe rivalitetin në fushë.

Sfida hapëse e kësaj jave do të luhet në qytetin e Korçës mes Skënderbeut dhe Tiranës, e cila është programuar të zhvillohet të premten në orën 18:30. Të shtuna do të vijojë me dy takime të tjera: Partizani do të presë Dinamo City-n në stadiumin e Vorës në orën 16:00, ndërsa Teuta do të luajë në shtëpi ndaj Vorës në orën 18:30.

Java e katërt do të mbyllet të dielën me dy ndeshjet e fundit, ku Laçi do të presë Vllazninë në orën 16:00, kurse AF Elbasani dhe Egnatia do të ulin siparin e kësaj jave me përballjen që do të luhet në “Elbasan Arena” në orën 18:30.