Gjykata Administrative ka lëshuar një urdhër të prerë për Ministrinë e Financave dhe Degën e Thesarit, duke i detyruar ato të procedojnë me kalimin e menjëhershëm të fondeve për pagat e punonjësve dhe zyrtarëve të Gjykatës së Posaçme Kundër Korrupsionit dhe Krimit të Organizuar (GJKKO).

Ky vendim vjen pas bllokimit financiar të krijuar së fundmi, i cili kishte prekur funksionimin e këtij institucioni kyç të drejtësisë. Me urdhrin e ri të Gjykatës Administrative, Financat dhe Thesari detyrohen të ekzekutojnë detyrimet ligjore pa vonesa të mëtejshme, duke normalizuar situatën për stafin e gjykatës.