Përshkallëzohet konflikti për trajtimin financiar në sistemin e drejtësisë, pasi shoqatat e gjyqtarëve dhe prokurorëve kanë kallëzuar penalisht në SPAK ministrin e Financave, Petrit Malaj, sekretarin e përgjithshëm të kësaj ministrie, si dhe drejtuesit e degëve të Thesarit në rrethe.

Kallëzimi vjen si pasojë e moszbatimit të vendimeve gjyqësore që lidhen me pagat e magjistratëve. Sipas padisë së ngritur, zyrtarët e lartë të ekzekutivit dyshohen se kanë kryer veprat penale të “Shpërdorimit të detyrës”, “Pengimit për ekzekutimin e vendimeve të gjykatës” dhe “Mosekzekutimit pa shkaqe të përligjura të vendimit të gjykatës”.