Artisti i njohur Bojken Lako ka rrëfyer për herë të parë hapur detaje nga jeta e tij private, duke zbuluar se prej katër vitesh është në një lidhje dashurie me partneren e tij, e cila quhet Izzy dhe i përket po ashtu botës së muzikës.

Gjatë intervistës, Lako tregoi se ajo ka një eksperiencë të gjatë në menaxhimin dhe organizimin e eventeve për artistë të njohur ndërkombëtarë, si dhe ka bashkëpunuar në Shqipëri në fushën e medies dhe projekteve muzikore. Madje, çifti ka bashkëpunuar profesionalisht edhe në Festivalin e 62-të të Këngës, ku kanë qenë pjesë e konceptit dhe organizimit të eventit.

Megjithatë, një detaj i vogël që mori vëmendjen gjatë intervistës ishte varëse me shkronjën “I” në qafën e artistit — iniciali i emrit të partneres së tij — një gjest që tregon qartë rëndësinë e saj. Bojken Lako konfirmoi se pavarësisht njohjes së hershme mes tyre, romanca e tyre ka nisur zyrtarisht katër vite më parë.