Avokatët ndërkombëtarë të kryebashkiakut të Tiranës, Erion Veliaj, pritet të dorëzojnë sot në Gjykatën e Strasburgut dosjen lidhur me masën e sigurisë "arrest në burg", ndërsa për finalizimin e saj është kërkuar një takim paraprak në paraburgim.

Veliaj ndodhet në paraburgimin e Durrësit prej 19 muajsh, që nga shkurti i vitit 2025, për akuzat e ngritura nga SPAK, të cilat ai i ka kundërshtuar vazhdimisht, ndërkohë që çështja ndaj tij vijon në gjykatën e themelit.

Zhvillimi në Strasburg vjen pak ditë para datës 15 shtator, kur Gjykata e Lartë pritet të shprehet me arsyetimin nëse masa ekstreme e sigurisë është proporcionale me ushtrimin e detyrës së tij si kryebashkiak i zgjedhur.