TIRANË — Kryeministri Edi Rama ka reaguar ashpër ndaj qëndrimeve të zyrtarëve apo organizatave politike evropiane lidhur me situatën e fundit të protestave në vend, duke theksuar se bllokimi i institucioneve dhe dhuna ndaj qytetarëve e përfaqësuesve të zgjedhur nuk mund të cilësohen si akte të izoluara apo thjesht kundërshtime paqësore.

Nëpërmjet një postimi në rrjetet sociale, duke përdorur edhe një shprehje latine ("errare humanum est, perseverare diabolicum"), Rama iu drejtua drejtpërdrejt kritikëve ndërkombëtarë, duke u kërkuar atyre të mos përdorin karakterin paqësor të shumicës së protestuesve për të minimizuar aktet e dhunës nga ana e një grupi protestuesish.

“Prej 101 ditësh, protesta është zhvilluar në bulevard pa asnjë problem sa i përket të drejtës për t’u tubuar, për të folur dhe për të kritikuar. Por të pengosh fizikisht deputetët e zgjedhur që të hyjnë në Parlament dhe të abuzosh me një deputete të respektuar… nuk është kundërshtim. Është dhunë,” shkruan kryeministri në reagimin e tij.

Kreu i qeverisë solli në vëmendje edhe episode të tjera të shënuara gjatë tubimeve, ku sipas tij protestuesit kanë bllokuar qarkullimin dhe kanë sulmuar automjetet e qytetarëve të thjeshtë. Në përfundim të reagimit të tij, Rama ka bërë thirrje për një distancim të qartë dhe pa ekuivoke ndaj çdo akti dhune, pavarësisht kontekstit politik të protestës.

My amazing grandmother taught me the old Latin wisdom, errare humanum est, perseverare diabolicum. To err is human, but to persist in the same error is diabolical.

Your reply @democrats_eu makes me wonder whether politicians exactly like you inspired the second half of that… pic.twitter.com/4PQ0Kswijb

— Edi Rama (@ediramaal) September 9, 2026