Të dhënat po ngarkohen...
Transmetuar më 09-09-2026, 21:59
Një grup protestuesish ka përshkallëzuar mbrëmjen e sotme protestën në Tiranë, duke bllokuar qarkullimin në kryqëzimin pranë “Rrugës së Elbasanit”.
Bllokimi i rrugës ka shkaktuar trafik të rënduar në këtë pjesë të kryeqytetit, ndërsa qytetarët e vendosur në rrugë nuk kanë lejuar vijimin normal të qarkullimit të automjeteve.
Protesta zhvillohet në kuadër të tubimit kundër qeverisë dhe kryeministrit Edi Rama. Protestuesit kanë vijuar me thirrjet kundër qeverisë, ndërsa një pjesë e tyre kanë zgjedhur bllokimin e akseve rrugore si formë presioni dhe përshkallëzimi të aksionit.
Bllokimi i rrugëve është shndërruar në një nga format e përdorura nga protestuesit gjatë tubimeve të fundit në Tiranë, duke sjellë pasoja të drejtpërdrejta në qarkullimin urban.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd