Një shpërthim i fuqishëm në një hidrocentral të vjetër në jug të Zvicrës ka shkaktuar vdekjen e dy punëtorëve.

Ngjarja ndodhi në një hidrocentral në fshatin Piota, në kantonin e Ticinos, ku pas shpërthimit shpërtheu edhe një zjarr. Dy punëtorët pësuan plagë të rënda dhe, pavarësisht ndërhyrjes së ekipeve mjekësore, nuk arritën t’u mbijetonin dëmtimeve.

Një prej viktimave ishte një 55-vjeçar me shtetësi zvicerane, ndërsa identiteti i punëtorit të dytë nuk është bërë ende publik.

Shpërthimi shkaktoi dëme të konsiderueshme në hidrocentral. Në momentin e aksidentit, objekti ishte duke iu nënshtruar punimeve të rinovimit.

Autoritetet zvicerane kanë nisur hetimet për të zbardhur shkaqet e shpërthimit dhe për të përcaktuar rrethanat e plota të aksidentit.