Të dhënat po ngarkohen...
Transmetuar më 09-09-2026, 15:28
Policia zbardh brenda 24 orëve plagosjen e Bledar Dautit dhe Dashamir Tahirit. Autori i dyshuar është identifikuar dhe po kërkohet intensivisht
Tiranë, zbardhet plagosja e dyfishtë në Laprakë: Në kërkim Arbër Krrashi, dyshohet se qëlloi Bledar Dautin dhe Dashamir Tahirin
Tiranë – Policia e Tiranës ka zbardhur brenda 24 orëve plagosjen e dyfishtë me armë zjarri të ndodhur mbrëmjen e 8 shtatorit në zonën e Laprakës.
Të plagosurit janë Bledar Dauti dhe Dashamir Tahiri, të cilët sipas policisë janë miq me njëri-tjetrin dhe aktualisht ndodhen jashtë rrezikut për jetën, citon noa.al.
Nga hetimet e kryera nga specialistët e Sektorit për Hetimin e Krimeve të Rënda, në bashkëpunim me Komisariatin e Policisë Nr. 3, është identifikuar si autor i dyshuar Arbër Krrashi, 36 vjeç, banues në Tiranë.
Ngjarja ndodhi mbrëmë rreth orës 21:20 të së martës, në Laprakë.
Sipas policisë, 36-vjeçari dyshohet se ka qëlluar me armë zjarri në drejtim të Dautit dhe Tahirit për motive të dobëta dhe më pas është larguar nga vendngjarja me automjet.
Policia bën të ditur se po punohet intensivisht për lokalizimin dhe kapjen e Arbër Krrashit.
Materialet procedurale i janë referuar Prokurorisë për veprime të mëtejshme. /noa.al
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd