LEZHË — Situata e zjarreve në qarkun e Lezhës ka shënuar një përkeqësim të re, pasi vatrat e flakëve janë riaktivizuar në fshatin Kalivaç.

Përballë rrezikut të përhapjes së flakëve, autoritetet kanë intensifikuar masat e reagimit. Gjatë orëve të fundit ka nisur ndërhyrja e menjëhershme në terren me trupa të Forcave të Armatosura, të cilët janë pozicionuar në zonën e Kodrës së Liqenit dhe në luginën e Vomës, në fshatin Rras.

Për shkak të terrenit të vështirë që vështirëson lëvizjen e mjeteve zjarrfikëse, operacionit i është bashkuar edhe ndërhyrja nga ajri me helikopter, ndërsa strukturat vendore të emergjencave civile dhe shërbimi pyjor vijojnë angazhimin e tyre në vijën e parë të zjarrit për të vënë situatën nën kontroll.