Një konflikt i ndodhur mëngjesin e sotëm në Shkodër ka përfunduar me një viktimë dhe dy persona të plagosur.

Sipas njoftimit të Policisë, ngjarja ka ndodhur rreth orës 05:30, në lagjen “Kongresi i Përmetit”. Dyshohet se, pas një konflikti për motive të dobëta, 25-vjeçari me inicialet A. V. ka qëlluar me armë zjarri ndaj 63-vjeçarit Q. L. dhe djalit të tij, 24-vjeçarit Y. L.

Në përleshje, babë e bir dyshohet se kanë plagosur me thikë 25-vjeçarin A. V.

Si pasojë e plagëve të marra, 24-vjeçari Y. L. ka ndërruar jetë në spital, ndërsa babai i tij, 63-vjeçari Q. L., ka mbetur i plagosur.

Policia ka ndërhyrë në vendngjarje dhe ka bërë të mundur kapjen dhe shoqërimin e 25-vjeçarit A. V. Gjithashtu, gjatë veprimeve të para hetimore është gjetur dhe sekuestruar një pistoletë, e cila dyshohet se është përdorur në konflikt.

Grupi hetimor vijon punën për zbardhjen e plotë të rrethanave, përcaktimin e përgjegjësive dhe dokumentimin ligjor të ngjarjes.

Hetimet janë në vijim dhe rrethanat e sakta të konfliktit pritet të sqarohen në vijim nga autoritetet.

Njoftimi i policisë:

Rreth orës 05:30, në lagjen “Kongresi i Përmetit”, Shkodër, dyshohet se, si pasojë e një konflikti për motive të dobëta, shtetasi A. V. ka plagosur me armë zjarri shtetasit Q. L., 63 vjeç, dhe Y. L., 24 vjeç (babë e bir), ndërsa këta të fundit dyshohet se kanë plagosur me mjet prerës (thikë) shtetasin A. V., 25 vjeç.

Si pasojë e plagëve të marra, shtetasi Y. L., 24 vjeç, ka ndërruar jetë në spital.

Shërbimet e Policisë kanë shkuar në vendngjarje, ku kanë bërë të mundur kapjen dhe shoqërimin e shtetasit A. V., si dhe gjetjen dhe sekuestrimin e armës së zjarrit, pistoletë, që dyshohet se është përdorur në ngjarje.

Grupi hetimor vijon veprimet për sqarimin e plotë të rrethanave të ngjarjes, përcaktimin e përgjegjësive dhe dokumentimin e plotë ligjor të saj