Të dhënat po ngarkohen...
Transmetuar më 07-09-2026, 22:26
Protestuesit kanë vijuar mbrëmjen e sotme marshimin në rrugët e Tiranës, në kuadër të protestës së 100-të kundër qeverisë.
Gjatë marshimit, qytetarët kanë bërë thirrje të ndryshme kundër qeverisë dhe Kryeministrit Edi Rama, mes tyre “Shqipëria kërkon revolucion”, “Bashkohuni me ne” dhe “Arrestoni Ramën”. Në protestë janë dëgjuar edhe thirrje që lidhen me emra të përmendur nga protestuesit në lidhje me zhvillimet politike të fundit.
Protestuesit kanë marshuar me pankarta dhe flamuj, ndërsa disa prej tyre kanë ndezur edhe flakadanë.
Gjatë protestës, qytetarët kanë bërë thirrje për pjesëmarrje në tubimin e paralajmëruar për ditën e nesërme përpara Parlamentit, në ditën kur pritet të nisë sesioni i ri parlamentar.
Protesta vijon në rrugët e kryeqytetit, ndërsa organizatorët kanë paralajmëruar se tubimet do të vazhdojnë edhe gjatë ditëve në vijim.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd