Arkivoli me trupin është ekspozuar që nga ora shtatë e mëngjesit në kishën në Vidikovac, ku qytetarët presin në radhë për t’i dhënë lamtumirën e fundit.

SERBI- Presidenti Aleksandër Vuçiç nuk mori pjesë në ceremoninë për ti dhënë lamtumirën e fundit Gjeneralit Ratko Mladiç. Në ceremoni mori pjesë fjali i tij Danilo Vuçiç së bashku me disa ministra nga kabineti qeveritar.

Përveç qytetarëve të shumtë që mbërrijnë në numër të madh, midis të pranishmëve që shprehin respektin e tyre janë edhe figura publike dhe përfaqësues diplomatikë. Arkivoli me trupin është ekspozuar që nga ora shtatë e mëngjesit në kishën në Vidikovac, ku qytetarët presin në radhë për t’i dhënë lamtumirën e fundit.

Sipas raportimeve nga mediat e huaja, pas kësaj procesioni do të shkojë në varrezat Topçider, disa kilometra larg kishës, ku është planifikuar të fillojë funerali midis orës 13:30 dhe 14:00. Mladić do të varroset në varrin familjar ku prehet edhe vajza e tij Ana, siç konfirmoi më parë djali i tij Darko Mladić.

"Do t’i ftoja të gjithë të afërmit, miqtë dhe admiruesit e babait tim të vijnë dhe ta përshëndesin atë në paqe dhe me dinjitet, dhe të përmbahen nga çdo provokim dhe të shmangin çdo konflikt dhe sherr", tha më parë djali i Mladić.

Presidenti Aleksandar Vuçiç deklaroi se vlerësimet e shërbimeve të sigurisë tregojnë se dhjetëra mijëra njerëz do të marrin pjesë në funeral, duke theksuar se shteti është gati të ofrojë të gjithë mbështetjen e nevojshme logjistike për familjen. Ju kujtojmë se përkujtimi i Mladiçit u mbajt të shtunën, më 5 shtator, në Shtëpinë e Forcave të Armatosura Serbe, në prani të anëtarëve të familjes, ish-bashkëluftëtarëve dhe përfaqësuesve politikë nga Serbia dhe Republika Srpska.

Ratko Mladiç vdiq më 27 gusht në moshën 84-vjeçare në një spital burgu në Hagë, ndërsa vuante dënimin me burgim të përjetshëm, pasi Mekanizmi i Hagës kishte refuzuar më parë disa kërkesa për lirimin e tij në Serbi për trajtim