MEKSIKË – Një festë fetare në Meksikë është kthyer në tragjedi, pasi një shpërthim i fuqishëm i materialeve piroteknike pranë një kishe ka lënë të paktën 10 të vdekur dhe mbi 60 të plagosur.

Ngjarja e rëndë ka ndodhur të shtunën në mbrëmje në komunitetin Santa Maria Cantada, në shtetin e Meksikës, gjatë festimeve tradicionale për Ditën e Shenjtorëve Patronë.

Sipas autoriteteve lokale, shpërthimi ndodhi pasi fishekzjarret i vunë flakën një ndërtese famullie që shërbente si depo e materialeve piroteknike. Incidenti u regjistrua gjatë një rituali tradicional me një strukturë në formë “demi” të ngarkuar me fishekzjarre, e cila ishte sjellë me karrocë në sheshin përpara kishës. Pas ndezjes, flakët u përhapën me shpejtësi te lëndët plasëse të ruajtura në afërsi.

Pamjet e publikuara nga mediat lokale shfaqën skena paniku mes dhjetëra pjesëmarrësve në shesh, të cilët u larguan me vrap për të shpëtuar. Ekipet e emergjencës ndërhynë menjëherë për të vënë flakën nën kontroll dhe për të transportuar të lënduarit në spital.

Autoritetet kanë nisur hetimet për të zbardhur rrethanat e sakta të ngjarjes dhe për të verifikuar nëse janë respektuar rregullat e sigurisë në ruajtjen dhe përdorimin e lëndëve piroteknike. Bilanci i viktimave mund të rritet, pasi disa nga të plagosurit ndodhen në gjendje të rëndë.

Así fue la explosión de pirotecnia durante fiesta patronal en Santa María Canchesdá, municipio de Temascalcingo,Edomex; el saldo actualizado 9 personas murieron y 24 resultaron lesionadas. @IglesiaMexico consecuencias de los usos y costumbres de la perrada color cartón. pic.twitter.com/JI0L1GO5HU

— (Kizmar) (@antonioaranda_) September 6, 2026