BURREL – Një incident ka shoqëruar ndeshjen mes Burrelit dhe Kastriotit, e vlefshme për javën e parë të Kategorisë së Parë.

Në minutën e 67-të të takimit, lojtari i Kastriotit, Fabio Hasa, është përfshirë në një konflikt me një tifoz në stadiumin “Liri Ballabani”.

Situata ka sjellë ndërprerjen e përkohshme të ndeshjes, ndërsa në përpjekje për të qetësuar situatën është përfshirë edhe policia.

Për episodin, gjyqtari i takimit i ka treguar kartonin e kuq Fabio Hasës, ndërsa me të kuq është ndëshkuar edhe trajneri i Kastriotit, Ramazan Ndreu.

Ndeshja ka qëndruar e ndërprerë për rreth pesë minuta, përpara se situata të qetësohej dhe loja të riniste.

Takimi Burrel–Kastrioti përfundoi në barazim 2-2.