TIRANË – Shqipëria do të vijojë të jetë nën ndikimin e kushteve atmosferike të qëndrueshme gjatë ditës së sotme.

Sipas parashikimit, moti do të jetë i kthjellët në të gjithë territorin, me intervale të gjata me diell dhe pa reshje.

Era do të fryjë nga verilindja në veriperëndim, me shpejtësi mesatare rreth 5 m/s. Në vijën bregdetare dhe në zonat luginore, era pritet të jetë më e fortë, duke arritur deri në 12 m/s.

Në det parashikohet valëzim i forcës 2–3 ballë.

Në përgjithësi, dita pritet të karakterizohet nga mot i qëndrueshëm dhe me diell në pjesën më të madhe të vendit.