Kryeministri Edi Rama ka komentuar ish-presidentin Ilir Meta gjatë një interviste maratonë në podcast-in e tij “Flasim”, me gazetaren Rudina Xhunga, ku ka folur edhe për zhvillimet politike në vend.

I pyetur për Ilir Metën, Rama e cilësoi atë si një “talent të madh politik”, por tha se ai nuk arriti të përballonte peshën e pushtetit.

Sipas kryeministrit, pushteti është një forcë që ka ndikuar te shumë politikanë, duke përdorur një metaforë të fortë për ta përshkruar atë. Rama tha se pushteti është një “kafshë e përbindshme” që ka “ngrënë” shumë burra.

“Po Ilir Meta?”, e pyeti Xhunga.

“Ishte një talent, talent i madh politik që nuk e mbajti dot peshën.

Pushteti është, pushteti është një kafshë e përbindshme. Ka ngrënë, e ka futur nën vete shumë burra.

Domethënë, u katandis në një personazh qesharak”, u shpreh Rama.