FIER – Pamje të rënda vijnë nga Levan, ku zjarret kanë përfshirë një sipërfaqe të konsiderueshme, duke shkaktuar dëme të mëdha në territor.

Deputeti i Partisë Demokratike, Luan Baçi, ka reaguar për situatën, duke kundërshtuar deklaratat e autoriteteve se flakët janë nën kontroll.

Në një postim në rrjetet sociale, Baçi shprehet se gjendja në terren nuk përputhet me situatën e paraqitur nga autoritetet, ndërsa kritikon mënyrën dhe kohën e ndërhyrjes së strukturave shtetërore.

Deputeti akuzon institucionet për vonesa në reagim dhe për një angazhim të pamjaftueshëm në përballimin e zjarrit.

Në mbështetje të reagimit të tij, Baçi ka publikuar edhe pamje ajrore nga Levan, ku dallohet një sipërfaqe e gjerë e përfshirë nga flakët dhe e dëmtuar nga zjarri.

Ndërkohë, strukturat e emergjencave vijojnë monitorimin dhe ndërhyrjen në zonat e prekura, ndërsa situata mbetet në vëmendjen e autoriteteve.