Kryeministri Edi Rama paralajmëroi sot nisjen e sezonit të tij të ri të fushatës së promovimit dhe komunikimit duke iu rikthyer sulmeve ndaj SPAK-ut që e cilësoi si përdorues dhe shfrytëzues të mediave për qëllimet e veta dhe për të dëmtuar të akuzuarit.

Duke folur për institucionet e drejtësisë, Rama kritikoi mënyrën e komunikimit të SPAK-ut me mediat, duke pretenduar se informacionet janë përdorur për të dëmtuar publikisht persona që më pas janë marrë nën akuzë.

Ai tha se Prokuroria e Posaçme ka përdorur mediat “për të baltosur ata që do të merrte nën akuzë”.

“… kjo është një nga gjërat më të këqija që ka bërë SPAK-u, që ka përdorur mediat për të baltosur ata që do të merrte nën akuzë, kjo nuk bëhet. Koha tregoi që unë kisha investuar në një maskë karnavalesh.

‘Prokurori dhe gjykatësi u bashkuan dhe bënë Kryeministrin e Presidentin’, Rama i rikthehet sulmeve ndaj SPAK dhe GJKKO

Prokurori së bashku me një gjykatës u bashkuan në një dhomë dhe vendosën që të bënin kryeministrin, parlamentin dhe presidenti. Unë këtë nuk mund ta bëj”, u shpreh Rama.

“Një nga gjërat më të këqija që ka bërë SPAK-u, që ka përdorur mediat për të baltosur ata të cilët do të merrte në akuzë. Kjo nuk bëhet”, tha ai.

Po ashtu Rama kritikoi ndërhyrjen e prokurorëve dhe gjyqtarëve në vendimmarrjen politike, duke deklaruar se institucionet e drejtësisë nuk mund të marrin kompetencat e institucioneve politike.

“Prokurori bashkë me një tjetër u bashkuan dhe vendosën të bëjnë kryeministrin, parlamentin dhe presidentin. Unë këtë s’mund ta pranoj”, shprehet Rama.