Të dhënat po ngarkohen...
Transmetuar më 06-09-2026, 08:51
Një zjarr ka përfshirë gjatë orëve të natës zonën pranë hyrjes së “Syrit të Kaltër”, në bashkinë Finiq, duke shkrumbuar katër kioska private tregtimi.
Zjarri ka nisur rreth orës 00:05 të 6 shtatorit. Pas marrjes së njoftimit, në vendngjarje janë dërguar tre mjete zjarrfikëse, si dhe dy mjete të Policisë së Shtetit.
Ekipet e emergjencës kanë punuar për rreth dy orë për shuarjen e flakëve, ndërsa zjarri është vënë nën kontroll rreth orës 02:00.
Nga të dhënat e para të hetimit, dyshohet se shkak i zjarrit ka qenë një defekt në rrjetin elektrik. Megjithatë, grupi hetimor vijon verifikimet për të përcaktuar me saktësi rrethanat e ngjarjes.
Fatmirësisht, nuk raportohet për persona të lënduar. Dëmet e konfirmuara deri tani janë katër kioskat e tregtimit që ndodheshin në hyrje të zonës së “Syrit të Kaltër”.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd