Një aksident rrugor është regjistruar këtë mesditë në qytetin e Lushnjës, në aksin rrugor që të çon drejt stadiumit, pranë zonës së bizneseve mbi kanal.

Tre automjete janë përplasur me njëri-tjetrin si pasojë e një tentative parakalimi, pasi drejtuesit e mjeteve nuk i kanë hapur krahun njëri-tjetrit gjatë manovrës.

Nga përplasja mes mjeteve janë shkaktuar dëme të konsiderueshme materiale, ndërsa fatmirësisht raportohet se nuk ka persona të lënduar në njerëz.

Shërbimet e policisë kanë mbërritur menjëherë në vendngjarje dhe po punojnë për zbardhjen e plotë të rrethanave, si dhe për dokumentimin e pasojave të këtij aksidenti.