Një zjarr i përmasave të mëdha ka përfshirë Kalivaçin në Lezhë, duke u afruar rrezikshëm me zonën e banuar. Era e fortë ka favorizuar përhapjen e flakëve, të cilat janë përhapur në disa drejtime dhe kanë përfshirë edhe banesa.

Disa prej banesave të prekura raportohet se ishin të banuara, ndërsa situata në zonë vijon të jetë e vështirë. Zjarri nuk është izoluar ende dhe perimetri i tij po zgjerohet.

Banorët janë përfshirë në përpjekjet për të frenuar flakët, ndërsa në terren kanë mbërritur shërbimet zjarrfikëse dhe strukturat e emergjencave. Ekipet po punojnë për të penguar përhapjen e zjarrit drejt banesave të tjera dhe për ta vënë situatën nën kontroll.

Afërsia e flakëve me zonën e banuar dhe përhapja e shpejtë e tyre për shkak të erës e bëjnë situatën veçanërisht shqetësuese.