Të dhënat po ngarkohen...
Transmetuar më 03-09-2026, 08:56
Durrës, 3 shtator 2026 – Dy shpërthime me lëndë plasëse janë regjistruar në orët e para të mëngjesit në Durrës, duke shkaktuar dëme materiale në një lokal dhe në një garazh.
Ngjarja e parë është shënuar rreth orës 03:50 në lagjen nr. 11 të Durrësit. Sipas policisë, në derën e jashtme të një lokali në pronësi të shtetasit G. K. është hedhur një sasi e vogël lënde plasëse. Nga shpërthimi janë shkaktuar dëme të lehta materiale.
Rreth 40 minuta më vonë, në orën 04:30, një tjetër shpërthim është regjistruar në zonën e Shkallnurit, përgjatë rrugës Plepa–Ndroq. Sipas policisë, lënda plasëse është hedhur në derën e një garazhi, duke shkaktuar dëme materiale.
Grupet hetimore, nën drejtimin e Prokurorisë, kanë nisur punën për mbledhjen dhe administrimin e provave, dokumentimin e plotë të ngjarjeve dhe zbardhjen e rrethanave.
Policia vijon hetimet për identifikimin dhe kapjen e autorit ose autorëve të dyshuar.
Deri në këto momente, autoritetet nuk kanë bërë të ditura të dhëna të tjera mbi motivet e ngjarjeve apo nëse dy shpërthimet kanë lidhje me njëri-tjetrin.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd