Protesta kundër qeverisë vijoi këtë të mërkurë në Tiranë, duke shënuar ditën e 95-të. Qindra qytetarë marshuan në bulevard, ndërsa kërkesa kryesore mbeti dorëheqja e kryeministrit Edi Rama.

Protestuesit kërkuan gjithashtu lirimin e personave të shoqëruar nga policia gjatë protestës së një nate më parë, e cila u shoqërua me tensione pranë Kryeministrisë.

Organizatorët kanë njoftuar një skenar të ri protestash për ditët në vijim:

Nesër, ora 10:00: protestë para Ministrisë së Arsimit. Në ditët në vijim pritet që tubimet e paradites të zhvillohen pranë institucioneve të ndryshme. Protestat e paradites do të kenë pjesëmarrje më të kufizuar. Protesta kryesore do të vijojë çdo ditë në bulevard. Mesazhi i protestuesve është përmbledhur edhe në thirrjen: “Pa rini nuk ka Shqipëri!”