Një aksident është regjistruar mbrëmjen e sotme në autostradën Tiranë-Durrës, pranë kthesës së Rinasit.

Në përplasjen e ndodhur në këtë aks janë përfshirë tre automjete, ndërsa një prej tyre, një “Benz”, është përmbysur në rrugë.

Mes mjeteve të përfshira në aksident ndodhet edhe një “Lamborghini” me targa zviceriane, i cili ka pësuar dëmtime si pasojë e përplasjes.

Menjëherë pas aksidentit, në vendngjarje kanë mbërritur shërbimet e Policisë dhe një ambulancë. Deri në këto momente nuk ka një njoftim zyrtar nëse ka persona të lënduar apo për gjendjen e tyre shëndetësore.

Përplasja ka shkaktuar bllokim të përkohshëm të trafikut në këtë segment të autostradës, duke sjellë vështirësi në qarkullimin e automjeteve në drejtim të Tiranës dhe Durrësit.

Policia ka nisur verifikimet në vendngjarje për të përcaktuar shkaqet dhe rrethanat e aksidentit.