Kryetari i Bashkisë së Tiranës, Erion Veliaj, ka vendosur të shkarkojë nga detyra nënkryetarin e Bashkisë, Blendi Sulaj.

Vendimi vjen pak ditë pas një tjetër ndryshimi në drejtimin e institucionit, kur Veliaj vendosi t’i tërheqë Anuela Ristanit delegimin e kompetencave për drejtimin e Bashkisë së Tiranës.

Sulaj mbante detyrën e nënkryetarit të Bashkisë së Tiranës prej vitit 2025, kur u emërua në këtë pozicion.

Lëvizja e fundit vjen në një moment ndryshimesh në strukturën drejtuese të Bashkisë së Tiranës, ndërsa pritet të shihet nëse do të ketë vendime të tjera për përbërjen e grupit të nënkryetarëve.

Në kuadër të këtyre zhvillimeve, më herët janë raportuar edhe ndryshime të mundshme në pozicionet e nënkryetarëve Jonida Halili dhe Ilir Mengra.