TIRANË – Pas një mbrëmjeje të tensionuar përpara Kryeministrisë, ku protestuesit bllokuan hyrjet e godinës dhe pati përplasje me forcat e policisë, kryeministri Edi Rama është larguar nga godina.

Në pamjet e siguruara nga protesta shihet momenti kur eskorta e kryeministrit del nga Kryeministria, ndërsa lëvizja e saj shoqërohet me masa të shtuara sigurie.

Sipas pamjeve, automjetet e eskortës marrin rrugën në drejtim të zonës së ish-Bllokut në Tiranë.

Largimi i kryeministrit vjen pas tensioneve të regjistruara gjatë protestës së mbrëmjes së 1 shtatorit. Forca të shumta policore, përfshirë efektivë të forcave “Shqiponja”, u angazhuan në zonën përreth Kryeministrisë, ndërsa protestuesit u përplasën disa herë me kordonin policor.

Gjatë protestës u raportua edhe për shoqërimin e disa personave në polici, ndërsa qytetarë të tjerë u nisën drejt Komisariatit nr. 1 për të kërkuar informacion mbi personat e shoqëruar.

Më poshtë, pamjet nga momenti i largimit të kryeministrit Edi Rama nga Kryeministria.