QIPRO — Të paktën tetë persona kanë humbur jetën dhe 18 të tjerë rezultojnë të zhdukur pasi një anije pasagjerësh u përmbys dhe u fundos në brigjet e Qipros. Trageti po transportonte 259 pasagjerë dhe tetë anëtarë të ekuipazhit kur nisi të merrte ujë, vetëm pak pasi ishte nisur nga qyteti bregdetar i Kyrenias.

Pjesa më e madhe e personave në bord janë shpëtuar gjatë operacionit masiv, ndërsa kërkimet për gjetjen e 18 të zhdukurve vijojnë intensivament në zonën e incidentit. Në operacion janë përfshirë helikopterë dhe anije të rojes bregdetare, në bashkëpunim të ngushtë me autoritetet turke, ndërsa në breg janë pozicionuar autoambulanca për t’i dhënë ndihmën e shpejtë të mbijetuarve.

Ndërkohë, autoritetet kanë ndaluar kapitenin e anijes dhe shtatë anëtarët e ekuipazhit, ndërsa kanë nisur një hetim zyrtar për të zbardhur shkaqet e plota të tragjedisë. Për këtë qëllim, grupet hetimore po punojnë për të rikuperuar regjistruesin e të dhënave të anijes, të njohur si “kutia e zezë”, e cila pritet të hedhë dritë mbi rrethanat e ngjarjes.