Një aksident i rëndë rrugor është shënuar pasditen e së dielës në Kurbnesh të Mirditës, ku një automjet ka dalë nga rruga dhe ka përfunduar në greminë.

Si pasojë e aksidentit, një person ka humbur jetën, ndërsa dy të tjerë kanë mbetur të plagosur. Të lënduarit janë transportuar në spital për të marrë ndihmën e nevojshme mjekësore.

Në vendngjarje kanë mbërritur shërbimet e emergjencës dhe forcat e Policisë, të cilat kanë ndërhyrë për menaxhimin e situatës dhe nxjerrjen e personave të përfshirë në aksident.

Ende nuk dihen rrethanat e plota të ngjarjes, ndërsa shkaqet që çuan në daljen e automjetit nga rruga mbeten të paqarta.

Policia ka nisur hetimet për të dokumentuar ngjarjen dhe për të përcaktuar shkaqet e aksidentit.