Reperi Kleviol Ahmeti, i njohur me emrin e artit Cllevio, është ndaluar nga autoritetet italiane në aeroportin “Malpensa” të Milanos, teksa ishte duke udhëtuar drejt Zvicrës.

Lajmin e ka bërë të ditur vetë reperi përmes një videoje të publikuar në “InstaStory”. Në pamjet e publikuara shihen valixhet e tij në një ambient pritjeje në aeroport.

Krahas videos, Cllevio ka shkruar se ndodhej në një dhomë pritjeje, duke pretenduar se pritej të dërgohej në paraburgim.

“Kjo është dhoma e pritjes para se të të fusin në paraburgim. Më vjen keq Zvicër, Rinora 4”, shkruan ai në postimin e publikuar në rrjetet sociale.

Deri në këtë fazë nuk janë bërë të ditura nga autoritetet italiane detaje zyrtare mbi arsyen e ndalimit apo nëse ndaj reperit është marrë ndonjë masë konkrete.

Ndërkohë, Cllevio vijon të jetë aktiv në muzikë dhe në performancat e tij në klube, pas lirimit të tij.