Një shpërthim i dyshuar i një bombole gazi ka shkaktuar gjashtë të dëmtuar mbrëmjen e sotme në një banesë në fshatin Markatomaj të Lezhës.

Ngjarja është regjistruar rreth orës 20:30, në banesën në pronësi të shtetasit S. K., 40 vjeç. Sipas policisë, nga shpërthimi kanë pësuar dëmtime dy fëmijë të moshave 10 dhe 13 vjeç, pronari i banesës, si dhe tre gra, përkatësisht L. U., 64 vjeçe, L. B., 70 vjeçe dhe V. Gj., 58 vjeçe.

Shërbimet e Policisë kanë mbërritur menjëherë në vendngjarje dhe kanë ndihmuar në nxjerrjen dhe transportimin e të dëmtuarve drejt Spitalit Rajonal të Lezhës.

Për shkak të gjendjes shëndetësore, pronari i banesës, S. K., është transportuar drejt Spitalit të Traumës në Tiranë për trajtim më të specializuar.

Ndërkohë, pesë të dëmtuarit e tjerë vijojnë të marrin ndihmë mjekësore në Spitalin Rajonal të Lezhës dhe, sipas informacionit të policisë, ndodhen jashtë rrezikut për jetën.

Në vendngjarje ndodhet grupi hetimor, i cili po punon për dokumentimin e plotë të rastit dhe përcaktimin e shkaqeve dhe rrethanave të shpërthimit.

Lezhë/Informacion paraprak

Rreth orës 20:30, në një banesë në pronësi të shtetasit S. K., 40 vjeç, në fshatin Markatomaj, Lezhë, dyshohet se ka shpërthyer një bombol gazi.

Si pasojë e shpërthimit, kanë marrë dëmtime dy fëmijë të mitur, 10 dhe 13 vjeç, pronari i banesës, shtetasi S. K., 40 vjeç, si dhe shtetaset L. U., 64 vjeçe, L. B., 70 vjeçe dhe V. Gj., 58 vjeçe.

Shërbimet e Policisë kanë shkuar menjëherë në vendngjarje dhe kanë ndihmuar në transportimin e të dëmtuarve në Spitalin Rajonal të Lezhës.

Shtetasi S. K. është transportuar në Spitalin e Traumës, Tiranë, për trajtim më të specializuar, ndërsa personat e tjerë të dëmtuar ndodhen në Spitalin Rajonal të Lezhës, ku po marrin mjekim dhe janë jashtë rrezikut për jetën.

Në vendngjarje ndodhet grupi hetimor, i cili po punon për dokumentimin e plotë të rastit dhe sqarimin e rrethanave të ngjarjes.