36 skuadrat që do të marrin pjesë në fazën e ligës së Champions League për sezonin 2026-27 kanë mësuar datat dhe oraret e sakta të tetë ndeshjeve që do të zhvillojnë në këtë fazë të kompeticionit.

Shorti i zhvilluar pak ditë më parë në Monaco përcaktoi kundërshtarët, ndërsa tashmë UEFA ka zyrtarizuar edhe kalendarin e plotë të takimeve.

Për të tretin sezon radhazi, Champions League zhvillohet me formatin e ri, ku 36 skuadra përbëjnë një renditje të vetme. Çdo ekip do të luajë 8 ndeshje ndaj kundërshtarëve të ndryshëm, katër në shtëpi dhe katër në transfertë.

Në këtë fazë, skuadrat nga i njëjti vend nuk mund të përballen me njëra-tjetrën. Gjithashtu, një klub mund të ketë në kalendar maksimumi dy kundërshtarë nga e njëjta shoqatë kombëtare.

Si funksionon kualifikimi?

Pas përfundimit të tetë raundeve:

8 skuadrat e para në renditje kualifikohen direkt në fazën e 1/8-ave. Ekipet nga vendi i 9-të deri në të 24-in luajnë në fazën play-off për një biletë në 1/8-at. Skuadrat nga vendi i 25-të deri në vendin e 36-të eliminohen nga kompeticioni. Raundi i parë nis më 8 shtator Faza e ligës do të nisë më 8 shtator 2026, me raundin e parë që do të zhvillohet përgjatë tri ditëve.

Në programin e 8 shtatorit spikasin përballje të forta si Real Madrid–Inter, në “Santiago Bernabéu”, dhe Porto–Manchester City, të dyja në orën 21:00.

Të mërkurën, më 9 shtator, do të luhen disa prej sfidave më interesante, mes tyre Barcelona–Feyenoord, Liverpool–Atlético Madrid, Napoli–Arsenal dhe PSG–Slovan Bratislava.

Ndërkohë, më 10 shtator do të zhvillohen përballje si Fenerbahçe–Roma, Bayern Munich–Bodø/Glimt dhe Manchester United–Sabah Baku FC.

Sezoni i ri i Champions League do të kulmojë me finalen e madhe, e cila është programuar të zhvillohet më 5 qershor 2027, në stadiumin “Metropolitano” të Madridit.

Më poshtë gjendet kalendari i plotë i ndeshjeve të fazës së ligës, të ndara sipas tetë raundeve për secilën prej 36 skuadrave pjesëmarrëse.